الشوق خيل وطاري الشـوق خيـال
خيـل المحبـة للمحبيـن تـجـري
شوق الغلا جامـح وللخـل ميـال
لاهـب نسنـاس المحبيـن عـذري
وارسل معاه الشوق والشوق مرسال
ويجيب لي طاري هوى الروح بدري
لامن طرت غنى لها الشوق مـوال
موال غنيتـه مـن ابيـات شعـري
يازينها لاجت تمشـى علـى البـال
لاجت تثنى فـي ممـرات فكـري
دايـم تبختر فـي خيالـي وتختـال
خيالها دايـم علـى البـال يطـري
كن الهجوس لطيفها صـار مدهـال
طيف يبات وطيـف بالليـل يسـري
حطت لها في داخل الجوف منـزال
مبطي وهي تملك مساحات صـدري
وش عاد لوحطت على القلب تمثـال
وش عاد خلوها عن الحـب تـدري
يبقى غلاها لو علـي بعدهـا طـال
مادامها قلبـي وروحـي وعـمـري
منقـ ـول